This episode is started in Swati’s mother Madhavi’s office, jahan par pahunchi thi Swati apne man se Vrinda ke baare mein poochhne ke liye ki unhone apni beti ke khilaaf karne ke liye Vrinda ko kyun kaha lekin unse milne se pahle vah apne lover Sanjay se milti hai aur batati hai ki uske saath uske apne ne hi dhokha diya hai. Sunane ke baad ek second ke liye to Sanjay shocked ho jata hai ki kahin vo uske baare mein toh baat nahin kar rahi, par fir bhi himmat karke poochta hai ki kisne diya dhokha to vo reveal karti hai ki meri maa ne.
Meri maa ne Ammu ko blackmail kiya taki vah mere saath badtameezi kare aur main gusse mein aakar use ghar se nikal dun. Yah baat sunane ke baad Sanjay shocked ho jata hai par use andar hi andar sukoon mahsus hoti hai ki uska raaj abhi tak Swati ko nahi pata chala hai.
Usi office mein Mahadevi ke samne Narendra aur Vipul pahunche huwe hote hain Vrinda ko wapas dhoondhne ke liye jahan vah vakil Madhavi ko sari baatein batate hain lekin jab vah poochhti hain vah ladka kaun hai jisne tumhari gaon ki ladki ko bhaga kar lekar aaya hai, jab jab voh batane ki koshish karta hai tab tab koi call aata hai ya fir kisi ko order deti hai toh nahi bata pata hai Narendra, jiske baad vo gussa ho jata hai aur use aisa lagne lagta hai ki yah aurat rishwat lene ki chah kar rahi hai.
review video
To vo apni aukat dikhata hai aur direct check nikal kar de deta hai, bolata hai jitne paise chahiye utna apne hisab se chadha lo aur chahe jo ho chahe, is ladke ko dhoondh kar do. Mana ki Madhavi thodi kadak aurat hai per vo rishwat jaisi galat cheez ka fayda nahi uthati, isiliye Narendra par gussa hokar usko file usi par fenk deti hai aur dhakke se immediately nikalne ka order deti hai apne office se.
Narendra Madhavi ko koste huwe nikalta hai tabhi uske samne Swati aa jaati hai aur vah use bhi gussa ho jaati hai aur usko hi daantne lagti hai kyunki uski maa ke khilaaf bol raha tha lekin Narendra usko bhi apni maa ki tarah samajh leta hai lekin Swati usko bahar nikalwa hi deti hai.
Halanki har baar ki tarah is baar bhi Sanjay ka samay achchha hota hai jiski vajah se vah Narendra ki nazar mein nahi aata. Narendra office se nikale usse pahle hi vah washroom chala jata hai toh un dono ki mulakaat nahi hoti. Varna Narendra jiske khilaaf vakil ko dhoondh raha tha, vahi uske samne aa jata.
Ek to pahle hi Swati bahut gusse mein thi, upar se Narendra ki baatein sunkar aur bhi jyada gusse mein aa jaati hai aur vah direct apni maa ke cabin mein chali jaati hai. Vahan jaane ke baad ek aur bada natak karti hai aur bolati hai apni maa se ki puri tarike se badal chuki hai Ammu, vah mere khilaaf ho chuki hai, isiliye maine use apne ghar se nikal diya. Yah sunane ke baad Madhavi bahut hi jyada khush hoti hai aur apni beti par garv mahsus karti hai.
Fir Swati apni maa se achanak se poochh leti hai ki aapki yahi ichchha thi na, par aapne aisa kyon kiya, why blackmail kiya aapne Ammu ko door karvana chah kar mere khilaaf. Mana ki aap use pasand nahi karti, par meri bahan hai, apni bahan maanti hun. Madhav jawab deti hai ki main tumhare liye hi usko tumhari zindagi se door kar rahi. Par Swati jawab deti hai ki aap hamesha ek vakil ki nazar se yah sabhi dekhti hai. Kabhi maa ke nazariye se dekh liya kijiye.
Tabhi vahan par Sanjay aata hai aur dono ko cool karta hai, samjhata hai ki main Swati se isiliye pyar karta hun kyunki yah apne se pahle dusron ki sochti hai. Is prakar Swati aur Madhavi ke beech narazgi ko door kar un dono ko fir se ek karta hai Sanjay. Aur Madhavi ka yah bhi dilasa deta hai ki agar Swati chahe to shaadi ke baad Ammu ko hamare ghar par bhi rakh sakti hai. Yah sunane ke baad Swati bahut hi jyada khush ho jaati hai.
Ammu ghar par pareshan ho rahi hoti hai ki Swati didi ko bahut hi jyada daant sunne ko mili hogi, Masi ke paas gai hongi apne sawalon ke jawab poochhne ke liye, tabhi Swati ghar pahunchti hai aur bolati hai funny mode me ki daant sunane ko bahut mili, par piche se Madhavi aakar bolati hai ki agar bachche baaton ko na samjhe to daantni padati hai.
Tu Hi Re Dil Mein ka upcoming track mein nazar aane wala hai, jahan par Vrinda ke saath-saath Swati ka bhi sapnon ka rajkumar Sanjay hi dono ke sapnon mein dikhta hai. Par Swati poochhti hai ki kya tumhara bhi sapnon ka rajkumar sapnon mein dikhta hai? To vo bolati hai haan, par meri unse koi rishta nahi bacha hai ab. Par vo fir Vrinda bhi poochhti hai Swati se ki aapka sapna jarur pura hoga aur aapka sapna pura ho gaya to samjhiye mera bhi sapna pura ho gaya.
