Zee TV ke fans ke liye bada update hai. Naya family drama Dilon Ki Ram Leela apni launch date ke saath aa raha hai, aur isi ke saath channel ke current 10 PM show Jagadhatri ke slot mein bhi badlaav hone wala hai. Yahan jaaniye show ki poori story, cast details, aur time-slot ka pura update.
Reports ke mutabik, Dilon Ki Ram Leela 24 August ko raat 10 baje Zee TV par premiere hoga, jisse channel ka current 10 PM show Jagadhatri 10:30 PM slot mein shift ho jayega, fans ko ab do emotional dramas lagatar back-to-back dekhne ko milenge Zee TV per raat 10-11 baje.
Dilon Ki Ram Leela ki kahani ke kendra mein hai Leela; ek aisi ladki jiske paas paisa, status aur luxury sab kuch hai, lekin jiski sabse badi khwaish hai apne father ka pyaar aur acceptance paana. Isliye woh Apne papa se dur nahi Jana chahti hai aur uske liye Leela woh har chij karegi jisse woh apne father ke pass hi rahe. Ameer parivaar se hone ke bawjood Leela emotionally akeli aur adhoori mehsoos karti hai. Kyunki uski maa use bachpan mein hi ushe chhod kar chali gai aur papa ke mann mein uske prati nafarat bhar di gai.
Isi emotional khaalipan mein ushe sahara milta hai Ram se; uske father ka trusted PA, jo dheere-dheere uska sabse bada confidant aur support ban jaata hai. Leela ke bilkul ulta, Ram ek close-knit, pyaar bhare middle-class parivaar se belong karta hai jahan rishton ki sabse zyada keemat hai. Dono alag duniyaon se hone ke bawjood, kahani dikhati hai ki kaise destiny unhe ek doosre ke kareeb laati hai.
Show ke promo mein dikhaya gaya hai ki Leela apne birthday par family ke saath khushiyan manana chahti hai, lekin uska father ushe dekhne tak se inkar kar deta hai. Aur agar Leela Exam mein pass nahi hui toh uska shadi kar apne se door kar denge. Uski step-mother jise Mansi Salvi play kar rahi hain ek evil smile ke saath dikhayi deti hain, jisse lagta hai unke hidden motives hain. Dilon Ki Ram Leela Telugu hit show “Ammayi Garu” ka Hindi adaptation hai.
Cast: Show mein lead roles mein hain Mishkat Varma (Ram ke roop mein) aur Aastha Sharma (Leela ke roop mein) dono ki ye pehli on-screen pairing hai. Inke saath veteran actors Eijaz Khan aur Mansi Salvi pivotal characters mein nazar aayenge, jabki Ankita Khare bhi ek key supporting role mein dikhengi.
Mishkat Varma ne apne character ke baare mein bataya ki story bohot emotional aur heart-touching hai, aur unhe pura yakeen hai ki audience Ram aur Leela ki journey se deeply connect karegi. Wahi Eijaz Khan, jo ish show mein Leela ke father ka complex role play kar rahe hain, unhone kaha ki ye character unke pehle ke kaamon se kaafi different hai aur unhen is naye tarah ke role ko explore karne mein maza aa raha hai.
Dilon Ki Ram Leela Show Cockcrow aur Shaika Entertainment ne produce kiya hai.
Jagadhatri, jo Sonakshi Batra aur Farman Haider ko lead mein leke November 2025 se Zee TV par 10 PM slot par chal raha hai, ab naye slot 10:30 PM par shift hone ki khabar hai. Show ek Bengali original ka Hindi remake hai aur Jagadhatri “JD” ki kahani dikhata hai. ek ladki jo ghar mein dabi-dabi si beti hai, lekin bahar ek skilled undercover officer hai jo apni maa ki mysterious death ke peeche ka sach dhoondh rahi hai. Jiska sath Sivaye deta hai.
Time Slot change ke baad bhi Jagadhatri Zee TV ke lineup ka important hissa bana rahega, bas timing thodi aage shift ho jayegi.
Kyun Dekhna Chahiye Ye Show?
Zee TV filhaal BARC ratings mein top par chal raha tha, aur channel ke shows Vasudha, Ganga Mai Ki Betiyan aur Tumm Se Tumm Tak already top 5 mein shaamil hain. Aise mein, Dilon Ki Ram Leela ka strong emotional plot aur Mishkat-Aastha ki fresh on-screen pairing ish channel ka agla bada hit bana sakta hai.
Dilon Ki Ram Leela ka Official launch date aur time-slot ki pushti Zee TV ke channels se kiya gaya hai. Aapko show ka concept kaisa laga? Comment mein zaroor batayein!
