Sony SAB TV apne un porane comedy palon ko phir se comeback karne ja raha hai, jiske liye 2 New Comedy show ko kanch karne wala hai jinka teaser bhi release kar diya tha.
Sony SAB apne do naye shows; family drama Papa Kehte Hain aur fantasy-comedy Lo Chudail Chali Sasural ka promo kaafi pehle release kar chuka hai, lekin dono shows abhi tak on-air nahi hue hain. Fans in dono ka wait kar rahe hain, aur ab iske peeche ki 2-3 wajah bhi saamne aa rahi hai.
Reason 1: All shows ki TRP Hi Nahi Aa Raha
Sabse bada aur confirmed reason hai TRP. Is waqt kisi bhi show ka TRP nahi aa raha hai kyunki Ministry of Information and Broadcasting (MIB) ne BARC (Broadcast Audience Research Council) ko naye Television Ratings Policy 2026 ke tehat apna license renew karne tak sabhi genres ke ratings publish karne se rok diya hai. Ye rok July 2026 se lagi hui hai, aur abhi tak koi fixed timeline nahi hai ki TRP kab tak wapas aayega, halaanki I&B Ministry ne recently BARC ko provisional registration dene ki sifarish ki hai, jisse aane wale hafton mein kuch rahat mil sakti hai…
Jab tak ratings hi nahi aa rahe, channels ke liye naye shows ka sahi slot decide karna aur unki performance judge karna mushkil ho jaata hai, isliye kai naye launches hold par chale gaye hain, aur inmein Papa Kehte Hain aur Lo Chudail Chali Sasural dono shaamil hain…
Reason 2: Sahi Time Slot Na Milna
Doosra reason hai time slot ka na milna. Dono shows abhi tak apna confirmed prime-time slot nahi paa sake hain, jiski wajah se inki shooting bhi hold par bataayi ja rahi hai. reportedly SAB TV aur in Shows ke makers ke bich Baat-cheet chal raha ki kaun sa time slot den, Yeh decision lene mein kuchh Pareshani ho raha hai isliye in Shows ka shooting filhaal ke hold per hai.
Reason 3: Papa Kehte Hain female lead ka kisi aur show me entry
Isi context mein ek aur cheez charcha mein hai: Papa Kehte Hain ki female lead Khushi Dubey ko media reports mein Bigg Boss Season 20 ke liye “reportedly confirmed” bataya ja raha hai. Bigg Boss 20, jo 6 September se start hoga aur karib 4 mahine chalega. Eska abhi tak channel ya khud Khushi Dubey ki taraf se officially confirm nahi hua hai. waise Khushi pehle bhi Bigg Boss 19 ke liye rumoured thi, tab unhone khud clear kiya tha ki sirf baatcheet chal rahi hai, kuch confirm nahi hua.
Telly-circles mein ek theory chal rahi hai ki agar Papa Kehte Hain ko jald slot nahi milta, to Khushi Dubey Bigg Boss karke wapas aa sakti hain, lekin yeh sirf ek speculation hai, iska koi official confirmation nahi hai.
Papa Kehte Hain ek family-drama hai jisme Khushi Dubey and Raj Anadkat lead role mein hain.
Lo Chudail Chali Sasural, jo Optimystix Entertainment produce kar raha hai, ek fantasy-comedy hai jo Hollywood ke classic sitcom “Bewitched” se inspired hai. Ismein Hiba Nawab ek pyaari si chudail Urvashi ka role play karengi jo insaan Aarav (Adhik Mehta) se shaadi karne ke liye apni magic chhod deti hai, jabki Rakhi Vijan powerful witch Kamini ke role mein hain jo is shaadi se khush nahi hain.
Dono shows ki official launch date jaise hi confirm hogi, hum update kar denge. Aapko in dono mein se konsa show dekhne ka sabse zyada intezaar hai? Comment mein batayein.
