Jagadhatri sang Tum Se Tum Tak ke bhi time slot mein badalo because Release ho raha hai ek new show Dilon Ki Ram Leela.
Zee TV apne prime time lineup mein bada badlaav karne ja raha hai. Naye show Dilon Ki Ram Leela ki entry ke saath channel ka schedule reshuffle ho raha hai, jisse kai shows ka time slot affected ho raha hai, India aur UK dono jagah. Yahan hai ab tak ki poori details.
Jagadhatri (India): 10 PM Se 10:30 PM
Sabse bada aur confirmed change hai Jagadhatri ka. Show, jo abhi tak 10 PM par aata tha, ab 24 August se 10:30 PM par shift ho jayega. Yeh khud show ke lead actors Sonakshi Batra, Farman Haider aur Sayantani Ghosh ne confirm kiya hai.
Sonakshi Batra, jo titular role play karti hain, unhone kaha ki Jagadhatri unke liye bahut special show raha hai aur naye 10:30 PM slot ko lekar wo kaafi positive hain. Unhe ummeed hai ki ye change show ko aur zyada viewers tak pahunchayega.
Is badlaav ki seedhi wajah hai naya show Dilon Ki Ram Leela, jo ki 24 August ko raat 10 baje premiere hoga Zee TV per aur Jagadhatri ki jagah lega. Jis Show mein Mishkat Varma aur Aastha Sharma lead role mein hain, jabki Eijaz Khan aur Mansi Salvi pivotal characters mein nazar aayenge.
India mein Tum Se Tum Tak ka slot filhaal wahi hai, lekin Zee TV UK par is show ka time badal raha hai. Reports ke mutabik, 24 August se Tum Se Tum Tak Zee TV UK par shaam 6 baje aayega.
Zee TV UK apna telecast schedule India se alag rakhta hai, aisa pehle bhi ho chuka hai jab Ganga Mai Ki Betiyan ko UK mein apna alag slot mila tha. Isliye ye change sirf UK audience ke liye hai, India mein show ki telecast timing par iska koi asar nahi hai.
Zee TV filhaal BARC ratings mein top par chal raha hai, aur Vasudha, Ganga Mai Ki Betiyan aur Tum Se Tum Tak jaise shows already top rankings mein shaamil the and hain. Isi wajah se channel apna evening lineup regularly balance karta rehta hai taaki har show ko sahi audience mil sake.
