Nahi rahe experienced actor Pankaj Dheer Ji. Mahabharat mein Karan’ ka kirdaar nibhakar har Indian ke dil mein banayi thi apni jagah. Just 68 ki umar mein chhod gaye duniya. Lambe waqt se lad rahe the cancer se jung. Actor ke nidhan ki khabar se Bollywood aur TV industry mein phaila matam. Diwali ke jashn ke beech aisi dukhad khabar samne aayi hai jisne roshni ke tyohar ki chamak hi feeki kar di hai.
Entertainment industry mein ish samay shok ki lehar daud gayi hai. Diggaj abhineta *Pankaj Dheer Ji* ab is duniya mein nahi rahe hain. Wednesday 15 October ki subah 11:30 par Pankaj Dheer Ji ne apni antim saans li aur ish duniya ko alvida keh gaye. Bataya ja raha hai ki *Pankaj Dheer Ji* lambe samay se bimar chal rahe the. Woh pichle kai saalon se cancer se joojh rahe thei. Halanki, unki family ne unki illness ko duniya se chhupa kar rakha tha.
Jyadatar fans ko yeh khabar tak nahi hui ki unka chaheeta actor lambe waqt se cancer jaisi dardnak bimari se jung lad raha hai. Sutron ke mutabik Pankaj Ji ek baar cancer se jung jeet gaye the. Unki yeh bimari dur ho gayi thi, Lekin pichle kuch mahino mein unka cancer dobara laut aaya tha.Pankaj Dheer Ji Bimari ki wajah se woh ek badi surgery se bhi guzre thei. Lambe waqt se actor ki halat kaafi nazuk bani hui thi aur doctors ki koshishon ke bavajood bhi Pankaj Dheer Ji ko bachaya nahi ja saka.
Reports ke mutabik Pankaj Dheer Ji ka antim sanskar Vile Parle ke Pawan Hans Shamshan Bhumi mein 4:30 baje kiya jayega hai. Pankaj Dheer Ji ke nidhan ki dukhad khabar ne unke tamam doston, chahane walon aur fans ko dukh mein dubo diya hai. Jankari ke liye bata dein ki *Pankaj Dheer Ji* ko Hindi cinema ke mashhoor Actors mein gina jaata tha. Unhone na ki sirf TV balki kai filmon mein bhi actor ke taur par behtareen kaam kiya tha. Pankaj Dheer Ji ne apne acting career ki shuruaat saal 1981 mein ki thi. Halanki unhe badi pehchaan saal 1988 mein aaye B. R. Chopra ke iconic show *Mahabharat* se mili thi.
Pankaj Dheer Ji kaun-kaun kirdar nibhae Hain.
*Mahabharat* mein *Pankaj Dheer Ji* ne *karn* ka kirdaar nibhaya tha aur *karn* bankar *Pankaj Ji* ghar-ghar mein mashhoor ho gaye the. Pankaj Dheer ne Sadak, Soldier, Baadshah aur Tarzan the Wonder Car jaisi filmon mein kaam kiya tha. Raja ki Aayegi Baraat, Sasural Simar Ka, Devon ke Dev Mahadev, Doli Armaanon Ki jaise TV shows mein bhi Pankaj Dheer Ji ne apni damdaar adakari se khoob taarifein batori thi, Logon ke dilon per Raj Kiya tha.
Actor ki family ki baat karein toh Pankaj Dheer Ji apne peeche ek bhara-pura, matlab complete, family chhod gaye hain. Pankaj ke bete Nikitin Dheer bhi actor hain. Shahrukh Khan ki film Chennai Express mein Thangaballi ke kirdar mein Nikitin ne pehchaan banayi thi. Nikitin ki shaadi TV actress Kritika Sengar ke saath hui hai. Kritika ko apne bete ke liye khud Pankaj Dheer Jine hi pasand kiya tha. Kritika aur Nikitin ek pyari si beti ke parents hain. Ab Pankaj Sheetr Ji ke nidhan ki khabar se har koi hairaan aur sadme mein hai. Koi bhi is baat par yakeen nahi kar pa raha hai ki Pankaj Dheer Ji ab humare beech nahi rahe hain.