Bigg Boss 20 mein sirf do din mein hi ghar ka pehla bada confrontation dekhne ko mil gaya hai. Qazi Touqeer aur Yung DSA ke beech ek heated verbal fight ho gayi, jo shuru toh mazaak se hui thi lekin dekhte hi dekhte personal ho gayi.
Jhagde ki shuruaat tab hui jab Arishfa Khan ne Qazi ke saath hui apni ek baat Yung DSA ko bataayi. Aur baat yah thi ki Arishfa ka height kam hone ki vajah se sab Unko Chhoti bacchi bol rahe the aur unhen yah baat pasand nahi a rahi thi isiliye usne sabko warning di thi ki “Mujhe Chhoti bacchi mat Kaho” lekin fir bhi kuchh bol rahe the aur Qazi ne Yung ka naam bata diya Arishfa ko.
Toh yahi baat Yung DSA se poochhi Arishfa Khan ne aur young ne poochha ki yah baat kisne boli, Arishfa ne kaha ki Qazi ne bola ki tum mere baare me yeh bol rahe the. Yung seedhe Qazi ke paas gaye is baare mein poochne, aur wahin se tension badhna shuru ho gaya. Isi beech Qazi, Yung ke bolne ke andaaz ki mimicry karne lage, jise Yung ne mazaak ki tarah nahi liya aur wo aur zyada gusse mein aa gaye.
“Bhai Mat Ban” Se “Baap Pe Mat Jaa” kyun bola Yung
Baat tab aur bigdi jab Qazi ne Yung ko “bhai” bulaya. Yung ne saaf keh diya ki unhe aisa “bhai” nahi chahiye, aur unke ghar mein pehle se hi ek bhai hai jo kaafi hai, aur Qazi se kaha, “Bhai mat ban. Mere baap ne ek bhai diya hai mujhe aur sirf wahi Mera Bhai hai” Iske jawaab mein Qazi ko laga ki baat unke father tak pahunch gayi hai, aur unhone jawaab diya, “Baap pe mat jaa.”
Yung samajh gaya ki unki is baat ko galat vai mein le liya hai Qazi ne to unhone kaha ki “Main Apne Baap pay Gaya to Tum Kyon chid rahe ho Main Apne Baap pay jaaun Ye bolun tumhen usse kya lena Tumhen samajh mein nahi a raha hai main kya bol raha hun.
Baap pe jaana nahi ko thoda seriously le liya inn dono ne 🫣#BiggBoss20 #BiggBossOnJioHotstar pic.twitter.com/yTlH7uqdyW
— JioHotstar Reality (@HotstarReality) September 8, 2026Yeh bhi padhen;-Bigg Boss 20: Housemates Ko Dikhayi Gayi iconic 20 Saal Ki Yaadein, Sab Ho Gaye Emotional!
Yahan ye clear kar dena zaroori hai ki yeh poora jhagda verbal hi raha, bas Pyar se Qazi ne touch Kiya lekin yeh Yung ko achha nahi laga, koi physical touch ya haath-paai nahi hui. Dono taraf se sirf tez-tarrar baaton ka hi aadaan-pradaan hua, aur baaki contestants ne beech mein aakar maamla shaant karne ki koshish ki.
Purani Yaad Taaza Ho Gayi
“Baap pe mat jaa” wali line ne fans ko turant Bigg Boss ke ek bahut purane aur mashhur moment ki yaad dila di, jab 2010 mein Dolly Bindra ka isi tarah ka ek “baap” wala jhagda kaafi viral hua tha. Interesting baat ye hai ki khud Salman Khan ne premiere ke episode mein kuch aisa hi hone ka ishara diya tha, halaanki unhe shayad ye andaaza nahi tha ki ye Qazi aur Yung ke beech hoga.
Captaincy Task Mein Bhi hui clash
Yehi captaincy ke davedar ke liye Keck ka task bhi hua, jismein Qazi “sanchalak” (task conductor) ki bhoomika mein the, yeh role unhe isliye mil tha kyunki jab Kanika Mann ne apni special power unke against use ki thi. Toh woh Captain banne ki ress se bahar nikaal diye gaye the. Task ke pehle round mein Isha Rikhi, Aman Gandhi aur Amrapali Dubey out huye, aur doosre round mein Rhiti Tiwari, Love Gill aur Mahhi Vij bahar hui.
Lekin kai housemates ne Qazi ki fairness par sawal uthaye, ye kehte hue ki kuch contestants tay samay se pehle hi plate se bahar aa gaye the, phir bhi Qazi ne unhe disqualify nahi kiya. Isse Qazi ki neutrality ko lekar ghar mein aur bhi charcha shuru ho gayi. Is beech Yang ne Qazi ko bol di ki isko yeh task bhi samajh mein nahi aa rahi hai aur phir Yang aur Qazi ke beech phir se Clash shuru ho gaya aur is baar dono face to face hokar argument karne lage.
Bigg Boss 20 ke sirf doosre din itna drama, aage ka season kaisa hoga, ye sochne wali baat hai. Stay connected for more episode updates.
