Bigg Boss 20 ke ghar mein pehle week ki Captaincy ko lekar ek badi update saamne aa rahi hai. Show ki shuruaat ke saath hi contestants ke beech equations banne aur bigadne lagi hain, wahi ab pehli Captaincy ko lekar bhi competition shuru ho gaya hai.
Bigg Boss 20 ke premiere ke baad se hi show ko lekar social media par lagataar discussion dekhne ko mil raha hai. Is season mein koi bada ya jaana-pehchaana naam nazar na aane ko lekar bhi viewers ke beech baatein ho rahi hain. Lekin iske bawajood show ne apne first day se hi attention grab karna shuru kar diya hai.
Kanika Mann ke decision se Qazi Captaincy Race se out
Pehle week ki Captaincy Race ko interesting banane ke liye Bigg Boss ne contestants ke saamne ek special twist rakha.
Bigg Boss ne Kanika Mann ko apni special power use karne ka option diya aur poocha ki woh ghar mein kis contestant ko sabse zyada dislike karti hain, jiske against woh is power ka use karna chahti hain.
Kanika ne bina zyada soche Qazi Touqeer ko choose kar liya.
Kanika ke is decision ka seedha impact Qazi ki Captaincy Race par pada aur woh first week ki Captaincy Race se bahar ho gaye. Halaanki, isi task mein Qazi Touqeer ko ek alag responsibility mili aur woh task ke sanchalak ban gaye.
Captaincy ke liye sirf 3 naam saamne aaye
Pehli Captaincy ki daavedari ke liye ghar ke sabhi members ko task mein participate karne ka opportunity mila tha. Lekin task ke end mein Captaincy ke liye sirf teen contestants apni jagah bana paaye.
Film Window ki Exclusive information ke mutabik, Kushal Tanwar aka Gullu, Rapper Yung DSA aur Aasif Khan Captaincy ke teen daavedaar bane hain.
Task ko lekar saamne aa rahi information mein bataya ja raha hai ki iska connection kuch had tak cake se tha. Halaanki, abhi tak poore task ki detailed information saamne nahi aayi hai.
Filhaal itna clear hai ki pehle Captain ki race ab in teen contestants ke beech simat gayi hai.
Pehli Captaincy kiski hogi?
Bigg Boss 20 ke ghar mein pehli baar Captain ki kursi ke liye Gullu, Yung DSA aur Asif aamne-saamne honge. Ab sabse bada sawaal yahi hai ki in teenon mein se kaun pehle week ki Captaincy apne naam karta hai.
Kya Gullu Captaincy ki baazi jeetenge?
Kya Yung DSA sabko peeche chhodkar ghar ke pehle Captain banenge?
Ya phir Asifa Khan unexpected result dete hue Captain ki kursi par kabza kar lenge?
Ghar mein pehle Captain ko lekar task aaj hone ki discussion thi. Saath hi, ab tak mili information ke mutabik Nomination Task bhi complete ho chuka hai, lekin filhaal Nominated Contestants ke naam ko lekar koi pukhta information saamne nahi aayi hai.
Ab Captaincy ke in teen daavedaaron mein se kaun बाजी मारता है, ye dekhna kaafi interesting hoga.
