Salman Khan is back, aur is baar Bigg Boss 20 apne saath laaya hai naye chehre, naye rivalries aur bharpoor drama. Grand premiere ke saath hi ghar ke sabhi 16 contestants ka reveal ho gaya hai. Chaliye ek ek karke jaante hain kaun hai in sabmein.
1. Mahhi Vij:
Hindi television ki jaani-maani actress, Laagi Tujhse Lagan jaise shows se popular hui thi. Aur ‘Seher Hone Ko Hai’ mein bhi najaz aai thi. Is saal Jay Bhanushali se 14 saal ki shaadi ke baad separation ki khabron mein bhi rahi hain.
2. Amrapali Dubey:
Bhojpuri cinema ki top actress, Nirahua Hindustani, Patna Se Pakistan aur Nirahua Chalal London jaisi films mein Dinesh Lal Yadav “Nirahua” ke saath unki on-screen jodi kaafi famous hai.
3. Rhiti Tiwari:
Singer, songwriter aur producer, aur actor-politician Manoj Tiwari ki beti hain, jo khud kabhi Bigg Boss contestant rahe hain. Ye unka reality TV debut hoga.
4. Aman Gandhi:
TV industry mein dus saal se kaam kar rahe actor, D4 – Get Up and Dance se career shuru kiya tha, aur recently Kyunki Saas Bhi Kabhi Bahu Thi 2 mein Hrithik Virani ka role kiya. Show chhodkar Bigg Boss join kiya hai.
5. Uditi Singh:
London-based model aur actress, Jaane Jaan (2023) mein Kareena Kapoor Khan ke character ki young version play ki thi. Actor Karan Wahi ke saath unke past relationship ki wajah se bhi charcha mein rahi hain.
6. Qazi Touqeer:
Kashmiri singer, jo 2005 mein Fame Gurukul jeetne ke baad national fame paayi thi. Do dashak baad reality TV mein wapasi kar rahe hain.
7. Mary Kom:
Six-time world champion aur Olympic medallist boxer, Former Member of Parliament, Padma Shri, Padma Bhushan, Padma Vibhushan, jo Bigg Boss ke ghar mein sports ka ek bilkul alag dynamic laayengi.
8 Arishfa Khan:
Child actress ke roop mein career shuru kiya tha (Ek Veer Ki Ardaas…Veera, Meri Durga, Baalveer), ab lifestyle aur beauty influencer hain jinke 29 million se zyada Instagram followers hain.
9. Kushal Tanwar aka Gullu:
Reality TV ka jaana-maana chehra, Roadies Double Cross aur Splitsvilla X6 dono jeet chuke hain. Unki competitive aur aggressive personality unhe drama ka bada source bana sakti hai.
10. Isha Rikhi:
Punjabi cinema ki actress aur model, Nikka Zaildar aur Jatt Yamla Pagla Deewana 2 jaisi films mein kaam kiya hai. Rapper Badshah se unke separation ki khabar ne unhe recently spotlight mein rakha hai.
11. Aasif Khan:
Actor, popular web series Panchayat mein Ganesh ke role se ghar ghar mein pehchane jaate hain.
12. Rohed Khan:
Actor aur model, Tejas mein Kangana Ranaut ke opposite villain ka role kiya tha, aur Bade Miyan Chote Miyan aur Sarzameen mein bhi nazar aaye. Unhone Hollywood mein bhi Golshifteh Farahani ke saath debut kiya hai.
13. Kanika Mann:
TV actress, Guddan Tumse Na Ho Payega se popular hui thi aur Khatron Ke Khiladi 12 mein bhi participate kar chuki hain. Aur filhal mein hi Colors TV ka hi super natural show Naagin 7 me as a Villain ka role Dragon ka kiya tha.
14. Yung DSA:
Asli naam Harsh Vijay Machare, Pune-based rapper jo India ke independent hip-hop scene se aate hain.
15. ScoutOP:
Asli naam Tanmay Singh, India ke mobile gaming aur esports scene ke pioneer content creators mein se ek, jinke millions followers hain.
16. Love Gill:
Asli naam Lovepreet Kaur Gill, Punjabi entertainment industry ki jaani-maani personality, 2019 mein Karan Aujla ke music video se fame mili thi. “Fans Ka Faisla” voting round jeetkar unhone Rhiya Ahir ko peeche chhodte hue Day 1 entry paayi hai.
Itne saare alag alag backgrounds ke logon ke saath, Bigg Boss 20 ka ghar is baar kaafi interesting combinations dekhega, television se lekar sports, music aur gaming tak. Aapka favourite contestant kaun hai list mein? Comment mein batayein.
