Bigg Boss Season 20 ko lekar excitement apne peak par hai. Salman Khan ke naye promos ne fans ko “vardaan” wale mystery twist mein uljha diya hai, aur dusri taraf contestants ki list ko lekar bhi rozana nayi khabrein aa rahi hain. Yahan hai ab tak ki sabse comprehensive update, launch date se lekar confirmed aur rumoured naamon tak.
Bigg Boss 20, jise “Tathastu” theme ke saath promote kiya ja raha hai, 6 September ko premiere hoga. Episodes pehle JioHotstar par raat 9 baje stream honge, uske baad Colors TV par raat 10:30 baje telecast honge. Salman Khan lagatar 16vi baar show host karenge.
Promos mein Salman Khan baar baar ek line dohra rahe hain, “Is baar Bigg Boss mein sabhi gharwalon ko milega ek vardaan, Tathastu meri jaan.” Iska matlab abhi tak officially reveal nahi hua hai, lekin reports ke mutabik ye “Extra Jeevan Daan” concept se juda hai. Sabse popular theory ye hai ki contestants ko show mein do zindagiyan (two lives) milengi, matlab elimination ka matlab turant aur permanent exit nahi hoga balki ek second chance mil sakta hai.
Kuch fans ye bhi speculate kar rahe hain ki is baar do alag houses ho sakte hain, ya purane seasons ke contestants bhi wapas aa sakte hain. Contestants wale vardaan ki exact mechanics abhi tak officially confirm nahi hui hai.
Fans Ke Liye Bhi Vardaan ( “Fans Ka Faisla” )
24 August ko show ki production company Endemol Shine India ne apne official Instagram par ek naya promo share karke confirm kar diya ki vardaan sirf contestants tak hi seemit nahi rahega. Naye post mein Salman Khan kehte hain ki wo fans ko bhi ek vardaan dena chahte hain, caption mein likha hai, “Bhai ka vardaan, fans pe meherbaan.”
Ye vardaan asal mein kya hoga, Fans Ka Vardaan Reveal Ho Gaya: Ye Hai “Fans Ka Faisla”
Toh 24 August ko production company Endemol Shine India ne fans ke vardaan ka tease diya tha, aur agle hi din JioHotstar ne iska raaz khol diya. Fans ka vardaan hai “Fans Ka Faisla”, jisme audience khud vote karke decide karegi ki do contenders mein se kaun hoga Vardan ka hakdar aur Bigg Boss 20 ke ghar mein jayega.
Do naam saamne aaye hain, Rhiya Ahir aur Love Gill. Love Gill Punjabi actress aur model hain, jo Haterz aur Hanji Kaun? jaisi films ke liye jaani jaati hain aur Karan Aujla ke gaane “Fact” se debut kiya tha. Rhiya Ahir Mumbai-based model, actress aur entrepreneur hain, jo apna clothing label Rhiyasat chalati hain aur kai music videos mein kaam kar chuki hain.
Voting JioHotstar app par live hai aur 2 September raat 11:59 baje band ho jayegi. Jisko zyada vote milenge, wahi house mein entry lega.
Ye franchise ke liye koi nayi cheez nahi hai. Bigg Boss 19 mein bhi “Fans Ka Faisla” ke through fans ne YouTuber Mridul Tiwari ko Shehbaz Badesha ke against vote karke house mein bheja tha.
Contestants: Kitne Confirm, Kitne Sirf Rumors: Ye samajhna zaroori hai: Bigg Boss 20 ke makers ne abhi tak apni taraf se ek bhi contestant officially announce nahi kiya hai. Jo bhi naam “confirmed” bataye ja rahe hain, wo sab media reports aur insider sources par based hain, official announcement nahi.
Rumours Reports ke mutabik confirm ho chuke naam:
Jennifer Winget
Niti Taylor
Aryan Kelvin
Zayn Saifi
Ashish Chanchlani ( ko lekar ek confusion create ho gaya hai, kyunki unhone apne Instagram story mein bata tha ki woh house mein ja rahe hain unki Rumour ke jariye pata chal raha hai, isliye jab tak officially announced nahi ho jata tab tak confirm nahi man ja sakta hai).
Kushal Tanwar (Gullu)
Vikrant Singh Rajpoot
Khushi Dubey (jo abhi Sony SAB ke Papa Kehte Hain se bhi judi hain)
Rajat Bedi (sabse pehle confirm hone wale naam mein se ek the, lekin ek naye report ke mutabik ab wo show ki shuruaat mein house mein nahi honge)
Approach kiye gaye ya charcha mein aa rahe naam:
Mouni Roy
Mary Kom
Anjali Arora aur Geeta Basra (dono “almost confirmed” bataye ja rahe hain)
Drashti Dhami, Disha Vakani, Roshni Walia, Yukti Kapoor
Qazi Touqeer
Mahhi Vij, Nia Sharma, Pearl V Puri
Sunil Pal, Showik Chakraborty, Arbaz Patel
Ruru Thakur.
Offer thukra chuke ya deny kar chuke naam:
Jannat Zubair ne offer decline kar diya hai
Faisal Shaikh (Mr Faisu) ne publicly deny kiya hai, lekin reports kehte hain ki wo abhi bhi makers se baatcheet mein hain
Reports ke mutabik 29 August ko Bigg Boss set par media day ho sakta hai, jahan season ke rumoured do houses reveal ho sakte hain aur Salman Khan khud ek press conference mein shaamil ho sakte hain. Ummeed hai ki tabhi official contestant list bhi saamne aa jaye.
