Last Updated on 3 weeks ago by Aniket Yadav
Vijay ki aakhri film Jana Nayagan ka ab mahino lamba wait khatam hone wala hai, intejar ki ghadiyan samapt hone ja rahi hai kyunki CBFC ne aakhirkar film ko release ke liye clear kar diya hai.
Lekin isi hafte ek aur bada twist bhi saamne aaya Film se related: Madras High Court mein police ne bataya ki certification milne se pehle hi lagbhag 1.2 crore log film ka pirated version illegally dekh chuke the. Aur abhi bhi bahut saari pirated sites per Available hai. Yahan jaaniye poori timeline akhir delay se leke leak case aur ab release date tak ka jankari.
CBFC Clearance: Jana Nayagan Aakhir Wait Khatam
Sources ke mutabik, Central Board of Film Certification ne Jana Nayagan ki examination poori kar li hai, aur formal certificate agle 2-3 dino mein issue hone ki ummeed hai. Reports ke mutabik film ko A-certificate mil sakta hai, halaanki iski official pushti abhi baaki hai.
Film originally 9 January 2026 ko hi release honi thi, lekin certification na milne ki wajah se release taal di gayi thi.
Delay Ki Wajah
Certification process tab atak gayi thi jab CBFC ke ek member ne film ke kuch scenes par aapatti jatai thi, ye kehte hue ki wo public sentiments ko thes pahuncha sakte hain. Iske baad production house KVN Productions ne Madras High Court ka rukh kiya, lekin baad mein petition wapas lekar film ko Revising Committee ke paas bhej diya gaya.
1.2 Crore Wala Leak Case
Isi beech film ka ek aur controversial pehlu bhi saamne aaya. Jana Nayagan 9 April 2026 ko online leak ho gayi thi aur piracy sites tak pahunch gayi. Chennai Police ne Madras High Court ko bataya ki certification se pehle hi karib 1.2 crore log pirated version dekh chuke the. Aur abhi bhi dikhaya ja raha hai.
Police ke mutabik, ek freelance film editor ne editing suite se footage churaya aur Google Drive par upload kiya, jahan se ye aage piracy sites tak pahunch gaya. Court ne isi hafte do accused ki bail petition khaarij kar di, ye kehte hue ki investigation abhi jaari hai.
Release Kab Hoga?
KVN Productions ke business head Suprith Mohan ke mutabik, makers July ke aakhri hafte ya August ke pehle hafte mein release target kar rahe hain. Film H. Vinoth ne direct ki hai, aur ismein Vijay ke saath Pooja Hegde lead role mein hain.
Ye Vijay ki actor ke roop mein unke life ki aakhri film hai, woh apni party TVK banane ke baad unhone full-time politics mein jaane ka ailaan kiya tha, aur wo ab already Tamil Nadu ke Chief Minister bhi hain.
Jana Nayagan ki official release date CBFC certificate milte hi confirm hogi, tab tak humare saath judein. Aapko kya lagta hai, itne lambe wait ke baad ye film expectations pe khari utregi? Comment mein batayein.
